Mizé départèmantal arkéyoloji prékolonbien ek pré-istwè Matinik

Mizé départèmantal © CG972

Mizé arkéyoloji a ka konsèvé ek difizé pli vié patrimwàn ou pé touvé Matinik (- 500 av. Jézikri). Sé bagay moun touvé adan fouy arkéyolojik, ek sé bagay IVem siek av. Jézikri jik oliwon XVIem siek lépok-nou. Sé bagay-tala ka montré té za ni an lavi ek an ti sosiété Matinik lontan avan éwopéyen débatjé.
An plis di sé bagay arkéyolojik tala (zobjé an séramik, an woch oben an kokiyaj, zo, bijou la Kolonbi té bay avan lépok panyol), mizé-a ka montré dot dékatman patrimwàn mérendien. I ka envité sé vizitè-a tjoké istwè sé mérendian-an atè Matinik épi zobjé yo té ka sèvi adan lavi tou lé jou an tan-tala, éti nou koumansé prété dépi XXem siek owa mérendien Giyàn, Brézil, Vénézuéla ek Donminik.
Sé konésans-tala asou primié pep lé Zanti Konsey Jénéral lé mété a dispozision piblik-la épi mizé-a jòdi-jou ek épi MUCAPA ki pou wè jou (Musée des Civilisations amérindiennes des Petites Antilles).
 


Travay-li : sanblé, mété an valè, konsèvé ek difizé

Mizé-a enstalé adan ansien batiman Ladministrasion Larmé yo fini konstrui an 1898. Mizé-a wè jou an 1970 ek sé Misié Mario Mattioni, yonn adan lé primié fondasè arkéyoloji atè Matinik, ki té konsèvatè.
An 1983, Direksion Mizé la Frans bay an pal pou mizé-a tounen an mizé arkéyoloji prékolonbien ek pré-istwè Matinik. Sé an mizé éti yo ka fè kontwol kalité, ek i ka mété a dispozision piblik-la pli gran koleksion zobjé arkéyolojik ou pé touvé adan lé Ti Zanti. Kon pres tout mizé ki ni kontwol kalité, mizé arkéyoloji a trapé an "label Mizé Frans" an 2003, label éti la DMF ka viré jijé chak lè épi an kontwol siantifik.
Mizé-a ni an bibliyotek adan ki ka risivwè piblik-la épi an randévou, ek i ni an sal pou stoké zobjé, kontel sa moun touvé lè yo té ka fè fouy atè Matinik.
Lanné apré lanné, épi pal moun ki ka bay bagay oben pòté bagay, mizé-a démiltipliyé dokiman oben zobjé i té ni, épi i mété tout zimaj ek dokiman a dispozision piblik-la.


 


Mizé-a adan pwojé-a

An plis di bagay arkéyolojik mizé-a ka pòté adan bank nimérik la, i ka pòté an bidim koleksion foto asou Matinik adan lé lanné 1960 tou, ki sé koleksion Arlette LAMEYNARDIE, ek ki ka montré manniè lilet-nou fè chimen'y, ki sé épi foto fet an siel, ki sé foto ki ka montré lavi tou lé jou oben lavi rékolonmik ek sosial.
Pou nou, partisipé adan BNPM, sé pòté grenn-sel nou adan dévlopman wouchach siantifik, sé mété patrimwàn-nou a dispozision piblik jòdi ek piblik dimen.


 


Kontak

Musée départemental d’archéologie précolombienne et de préhistoire de la Martinique

9, rue de la Liberté

97200 Fort-de-France

Tél: +596 (0)596 71 57 05